Spalletti reagon për blerjen e Ronaldos nga Juventusi

Trajneri i Interit, Luciano Spalletti, është paraqitur në konferencë për shtyp, ku ka folur për transferimin e Cristiano Ronaldos te Juventusi, blerjet e Interit e po ashtu edhe pritshmëritë në sezonin e ardhshëm.

Spalletti ka thënë se skuadra e tij nuk duhet të ndjehet aspak inferiore me transferimin e Ronaldos te Juventusi.

“Zonja e Vjetër” po cilësohet favorite e madhe për të triumfuar sërish në Serie A, sidomos pas transferimit të pesë herë fituesit të “Topit të Artë”.

“Cristiano Ronaldo është një kampion i madh. Por askush nuk mund të na bëjë të ndihemi inferiorë kundër dëshirës tonë”, ka deklaruar Spalletti.

“Do t’i japë forcë dhe shikueshmëri kampionatit italian. Për nga personaliteti është një prej më të fortëve të të gjitha kohërave. Ka entuziazëm të madh, në atmosferë ndihet aromë e një futbolli të madh dhe kjo gjë mund të ndikojë pozitivisht në lëvizjen tonë”, tha tekniku i zikaltërve.

PËRGJIGJU

Please enter your comment!
Please enter your name here