E bujshme/ Kukësi arrin akordin me brazilianin që kushton 600 mijë euro

Një merkato për notën 10, të paktën deri më tani për Kukësin. Duket pa frena fushata e shit-blerjeve në klubin verilindor që pasi nënshkroi me Sebino Plakun ka siguruar një tjetër element mjaft cilësor.

Sipas Supersport, kuksianët kanë mbyllur akordin me mbrojtësin brazilian William Cordeiro Melo.

24-vjeçari i cili luan në linjën e djathtë është bindur nga drejtuesit e klubit dhe do të jetë shumë shpejt në Shqipëri për të nënshkruar kontratën.

Cordeiro në karrierën e tij ka qenë pjesë e Figuerenses në ligën kryesore të Brazilit, ndërsa ka luajtur edhe në Serinë B braziliane me Clube de Regatas e Ferroviaria.

Edicionin e fundit ishte pjesë e Oestes duke qenë një titullar i padiskutueshëm tek skuadra nga Itapolis.

William është një mbrojtës tipik brazilian, teknik, i shpejtë dhe që parapëlqen të sulmojë.

Drejtuesit e Kukësit pasi kanë studiuar disa takime të tij kanë vendosur ti parashtrojnë ofertën e cila në parim është pranuar nga 24-vjeçari.

Vlera e tij në treg është e rëndësishme, pasi kartoni i Cordeiros kuotohet me shifrën 600 mijë euro, një fakt që meriton të ketë vëmendje.

Leave a Reply

Your email address will not be published. Required fields are marked *