Vetting edhe Adriatik Llallës? Ja çfarë vendosi Kolegji i Posaçëm i Apelimit

Kolegji i Posaçëm i Apelimit vendosi shtyrjen e seances për Ish-Kryeprokurorin Adriatik Llalla, i cili nuk ishte i pranishëm në seancë. Seanca e radhës u vendos për në  31 Maj 2018, ora 10. Vendimi erdhi pasi avokati Sokol Hazizaj tha se Llalla nuk është në dijeni për seancën.

“Adriatik Llalla nuk është në dijeni të seancës. Unë jam vendosur në dijeni për seancën nga mediat. Me klientin kam folur dy javë më parë nëpërmjet bashkëshortes”.

Pasi u tërhoq për të marrë vendimin, kreu i trupës gjykuese e pyeti avokatin se kur mund ti jepte një afat në mënyrë që të njoftohej subjekti i rivlerësimit, Adriatik Llalla.

“Jo më pak se ditë, nga dita e sotme”, u shpreh avokati.

Si përfundim, u vendos që seanca e radhës të nisë në orën 10 të 13 Majit.

Kolegji i Posaçëm i Apelimit vendosi “ti kërkojë përfaqësuesit, avokatit Sokol Hazizaj plotësimin e prokurës të datës 10.4 2018 duke u shprehur në mënyrë të posaçme vullnetit të përfaqësuarit për ti dhënë përfaqësuesit të tij tagrat. Vendos të përsëritet njoftimi i ankimit të subjektit të rivlerësimit si dhe të njoftohet për seancën subjekti i rivlerësimit, zoti Adriatik Llalla”, 

Llalla te Kolegji i Posaçëm i Apelimit 

Kolegji i Posaçëm Apelimit mori në shqyrtim çështjen e dorëzuar nga Komisioneri Publik, ku kërkohet që ish-Prokurori i Përgjithshëm, Adriatik Llalla t’i nënshtrohet vettingut.

Procesi ndaj Adriatik Llallës u ndërpre nga Komisioni i Pavarur i Kualifikimit pas dorëheqjes së ish-kryeprokurorit nga e drejta për t’u emëruar gjyqtar apeli dhe rrjedhimisht nga i gjithë sistemi i drejtësisë.

Verdikti u mor në atë kohë nga trupi gjykues i KPK me kryesues Roland Ilia dhe anëtarët Pamela Qirko dhe Olsi Komçi. Por, ky është rezultat i njëjtë sikurse edhe ai i një trupe tjetër gjyqësore të KPK, e cila po për shkak të dorëheqjes si gjyqtar kushtetues i ndërpreu vettingun edhe Besnik Imerajt.

Shtegu për dorëheqje në çdo kohë, që do të thotë shpëtim nga vettingu u hap pikërisht nga Gjykata Kushtetuese gjatë interpretimit të ligjit të rivlerësimit.

Dosjet e të dorëhequrve dhe të të papërshtatshmëve arkivohen, por nëse kërkohen nga prokuroria, atëherë ata i nënshtrohen edhe kontrollit penal.

Leave a Reply

Your email address will not be published. Required fields are marked *