Ekskluzive/ Pronarët e “Donin” srl dëshmojnë për diamantët që Habilajt blenë për Tahirin

March 21, 20180
habilaj-3-780x439.jpg?fit=622%2C350

Nga Boldnews.al

Hetimet kundër Saimir Tahirit pritet të marrin një kthesë të rëndësishme. Prokurorët e Krimeve të Rënda kanë tashmë në dispozicion deklarimet e argjendarëve në Katania, ku dyshohet se Moisi Habilaj ka blerë dhuratat për familjarët e ish-ministrit të Brendshëm.

Biznesmenët italianë babë e bir, pronarë të “Donin” srl, janë pyetuar nga autoritetet italiane për llogari të Prokurorisë për Krime të Rënda në Shqipëri. Nga aktet që ka parë në mënyrë ekskluzive “Boldneës.al”, argjendarët janë pyetur në Dhjetor 2017 dhe aktet i janë përcjellë autoriteteve shqiptare pak ditë më pare, nëpërmjet letër-porosisë.

Pronarët e argjendarisë “Donin” kanë shpjeguar me detaje se si funksionojnë, cila është klientela e tyre dhe se si klientët mund të blejnë sende me vlerë në agjencinë e tyre. Dyqani i tyre nuk ka tabelë identifikuese dhe klientët vihen në kontakt me pronarët nëpërmjet një fjalëkalimi.

Klientët paraqiten në dyqanin e tyre me kodin përkatës dhe tërheqin dhuratat, të cilat i kanë porositur më parë. Argjendaria është e pajisur me kamera sigurie, të cilat filmojnë të gjitha hyrje-daljet, si edhe identifikojnë klientët.

Ka raste kur, në dyqan nuk paraqiten klientët e tyre të identifikuar, por janë njerëz të cilët kanë në dispozicion fjalë-kalimin e blerësve të njohur.

“Boldnews.al” ka parë detajet mbi të përgjigjet e dhëna nga pronarët e argjendarisë, por ka preferuar që fillimisht të mos i publikojë, për të ruajtur sekretin hetimor.

Referuar përgjimeve të Prokurorisë së Katanias, Moisi Habilaj, kapoja i bandës së narkotrafikut, i mburret mikut të tij, Sabaudin Çelaj se i ka blerë nënës dhe bashkëshortes së Saimirit bizhuteri në vlerë rreth 20 mijë euro.

Përgjime ambientale në bordin e makinës Fiat Bravo me targë DG826NA në përdorim të Moisi Habilaj në orën 12:05 minuta të datës 16.13.2013. Në makinë ndodhn Sabaudin Çelaj, të cilin e thërrasin Sabi. Rreth orës 12:13:20 dëgjohet Moisiu teksa telefonon një shtetas me emrin Antonio Riela jashtë makinës.

Përgjimi për diamantët

Në orën 12:14:45 Moisiu hyn në makinë dhe i thotë Sabit që ka blerë dy byzylykë, njërin për gruan dhe tjetrin për nënën e tij. Sabi e pyet nëse i kanë kushtuar shtrenjt apo jo.

Moisi: Mjaftueshëm

Sabi: 1000 euro

Moisi: Sa?

Sabi: 2000…

Biseda vazhdon në përgjimin e dytë numër 559

Vazhdon biseda në makinë, në bordin e së cilës ndodhet Moisi Habilaj dhe Sabaudin Celaj

Sabaudin: 500?

Moisiu: 700..s’e gjete…10 mijë euro pa 1 mijë euro (nënkupton 9000 euro)

Sabaudin: Po a i kishte sjellë të gjitha?

Moisiu: Kishte sjellë 20

Sabaudin: 10 në të gjitha??

Moisiu: 2 byzylykë

Sabaudin: 2000 euro?

Moisiu: 9000 euro…ishin 18 (do të thotë 18 mijë euro) dhe i bëri përgjysmë

Sabaudin: Ia dhe para cash?

Moisiu: Po

Sabaudin: Nuk është se kanë ndonjë telekamera..apo gjëra të tilla?

Moisiu: Jo… (përgjim i pazbardhur) …ato janë përballë gjykatës

 

 

 

Leave a Reply

Your email address will not be published. Required fields are marked *