Një 42-vjeçar shqiptar, i shpallur në kërkim ndërkombëtar për trafikim të qenieve njerëzore, është arrestuar nga autoritetet në Itali.
Bëhet fjalë për shtetasin, Sefer Selimaj, i njohur edhe me emrin Ani Ibraliu, i cili prej vitesh ishte në kërkim nga drejtësia shqiptare, pasi Gjykata e Apelit e Tiranës e ka dënuar në vitin 2017 me 15 vite burg për veprën penale të trafikimit të qenieve njerëzore.
Nga dënimi i dhënë, Selimajt i kanë mbetur për të vuajtur edhe 13 vjet, 10 muaj e 19 ditë burgim.
“U arrestua në Itali, me qëllim ekstradimin në Shqipëri, shtetasi Sefer Selimaj alias Ani Ibraliu, 42 vjeç.
Ai ishte në kërkim ndërkombëtar, pasi Gjykata e Apelit, Tiranë, në vitin 2017, e ka dënuar me 15 vjet burgim, për veprën penale “Trafikimi i qenieve njerëzore”. Nga dënimi, 42-vjeçarit i kanë mbetur për të vuajtur 13 vjet, 10 muaj dhe 19 ditë burgim”,- njoftoi sot policia.
Interpol Roma, pritet të finalizojë ekstradimin e 42-vjeçarit, në Shqipëri.
