Në një deklaratë, OEAK shprehu “shqetësim të thellë” për miratimin e buxhetit, që kap vlerën e rreth 4 miliardë eurove, ndërsa theksoi se “vendimet me ndikim në politikat fiskale e ekonomike duhet të merren nga një qeveri me legjitimitet demokratik”.
Sipas Odës, një qeveri në detyrë lejohet të kryejë vetëm funksione teknike dhe detyrime të domosdoshme, jo të ndërmarrë masa që krijojnë obligime të reja afatgjata për financat publike.
Vendimi i Qeverisë në detyrë ka ngjallur reagime edhe nga partitë opozitare dhe organizatat e shoqërisë civile, të cilat e kanë cilësuar të paligjshëm.
Megjithatë, kryeministri në detyrë, Albin Kurti, ka mbrojtur veprimin, duke theksuar se “ligji i mundëson qeverisë në detyrë të propozojë buxhetin për miratim në Kuvend”.
