Tërmeti/ Meta: Në këto momente të vështira, unë dhe populli shqiptar jemi në krah të Turqisë mike

Presidenti i Shqipërisë Ilir Meta reagoi për situatën e krijuar në Turqi pas tërmetit që goditi vendin mbrëmjen e djeshme.

Përmes një postimi në FB, Meta shpreh ngushëllimet për familjarët e të prekurve dhe mbështetjen e shtetit shqiptar.

Me shqetësim dhe dhimbje të thellë po ndjek situatën në Turqinë mike, të goditur nga tërmeti tragjik.Shumë i tronditur nga viktimat në njerëz, ju shpreh ngushëllimet më të ndjera familjarëve e të dashurve të tyre, të gjithë popullit turk dhe Presidentit Recep Tayyip Erdoğan, duke u lutur që të mos ketë të tjera humbje jetësh. Të gjithë të lënduarve nga kjo fatkeqësi natyrore ju uroj shërim sa më të shpejtë. Në këto momente tepër të vështira, unë dhe populli shqiptar jemi në krah Turqisë mike”, shprehet kreu i shtetit.

LEXO EDHE  Koronavirusi, BE: Kufijtë do t’i mbajmë të hapur