Shehi: Largimi i Ramës përkthehet në fitore për qytetarët, ekonominë dhe vendin

I ftuar në Syri TV për të komentuar tryezën e reformës zgjedhore, krijimin e Këshillit Politik dhe atë çfarë pritet të ndodhë në vijim, kreu i LZHK-së, Dashamir Shehi është shprehur se, palët duket se nuk kanë një dëshirë të madhe për të ndryshuar sistemin zgjedhor, por shtoi se, janë dakord për të pranuar këtë sistem me kusht që vendi të shkojë në zgjedhje të parakohshme.

“Ka dy elemente; 1. Si do ti rikthejmë besimin qytetarëve, si do të ulet presioni nga paratë e pista, si do të bëhet më e pavarur policia, si do të menaxhohet media. Të gjithë këto janë pjesë të administrimit dhe menaxhimit zgjedhor.

E dyta është çështja e sistemit që Basha e ka lënë të hapur. Por dëshirë për të ndryshuar atë, duket se nuk ka. Debati do të dominohet me këto elementë të tjerë. Te sistemi ka një hapësirë të vogël që do të diskutohet.

LEXO EDHE  Heroinë në tubat e ujërave të zeza, prangosen tre shqiptarë (FOTO)

Kemi bërë një kompromis, do të pranojmë çdo sistem mëkëmbim të zgjedhjeve të parakohshme. Nëse ky regjim do të vazhdojë edhe për një vit e gjysmë me gjithë hapësirën që ka për të kontrolluar biznesin dhe median, unë them që rrezikojmë edhe zgjedhjet e ardhshme. Nuk ka sistem që të na mbrojë.

Qytetarët të largojnë një ditë e më parë Edi Ramën pasi është fitore për shtetin, për ekonominë”, u shpreh ndër të tjera Shehi.