Prekëse! Publikohet letra e fundit e vogëlushes Esiela që humbi jetën nga tërmeti

Diena dhe Esiela Karanxha ishin dy prej viktimave të tërmetit të 26 nëntorit që mori shumë jetë njerëzish e la shumë dhimbje pas. Diena Karanxhaj ndenji 12 orë e përqafuar me të bijën poshtë rrënojave dhe nuk donte të dilte nga aty pasi vajza e saj kishte ndërruar jetë. Ajo kishte humbur bashkëshortin 5 vite më parë, piktorin Dorian Karanxha.

Vogëlushja 8-vjeçare, Esiela, dy muaj para tragjedisë së nëntorit kishte dërguar një letër prekëse në redaksinë e “Dua të të bëj të lumtur”, letër të cilën Arbana Osmani e ka lexuar në puntatën e parë të emisionit.

Letra e plotë: Emisionit “Dua të të bëj të lumtur” Unë që po ju shkruaj quhem Esjela Karanxha dhe jam 8 vjeçe. Dua të të bëj të lumtur gjyshen më të mirë në botë, atë që më ka rritur me shumë dashuri, nënën time Rozetën. Ajo është gjithmonë me mua, s’më ka lënë kurrë të mërzitem që kur babi iku lart në qiell. Mami qan shumë, por ajo më thotë që ju më keni mua dhe ne babi na sheh nga lart dhe lutet për ne. Unë e dua shumë gjyshen time. Për vitin e ri 2019, ne e festuam dhe unë i këndova nënës këngën tonë të preferuar të Kejsi Tolës “Ti më ke mua”. Unë dua t’i them që ti gjithmonë do të më kesh pranë dhe kur unë të rritem do të jem gjithmonë me ty.

LEXO EDHE  E trishtë/ Apeli i 84-vjeçares që vuan nga skleroza: Më ndihmoni, kam humbur

 

E dhimbshme/ Shkoi te prindërit për të qenë më e sigurt, vdiq bashkë me vajzën…