VIDEO/ Përplasje mes policisë dhe qytetarëve, çfarë ndodh në Rinas

Vijon prej shumë orësh kaosi për pasagjerët e kompanisë së fluturimit Ernest, të cilët presin të zhvillojnë udhëtimin e tyre, por nuk ka ardhur avioni.

“BalkanWeb” ka publikuar video, që tregojnë tensionet në aeroportin e Rinasit, teksa qytetarët përplasen me policinë.

Të mbetur pa asnjë zgjidhje prej orësh, pasagjerët kërkojnë të udhëtojnë, pasi duhet të paraqiten në punë, por policia shqiptare iu sqaron se kompania ka falimentuar, madje edhe i shtynë ata, që të largohen.

Debatet mes qytetarëve dhe policëve:
Qytetarja: Kam tre ditë që pres. A jam njeri i shtetit, a s’jam.

LEXO EDHE  Rrëfimi i biznesmenit të plagosur: Si u përballa me grabitësit brenda në shtëpi

Polici: Hap rrugën. I është hequr licenca. Kompania është e falimentuar.
Qytetarja: Unë të hap rrugën? Bëj punën.
Polici: Unë po e bëj punën, e bëj për familjen time.
Qytetarja: Bjere Edi Ramën këtu, se ne i japim votën. Puna më ka ikur atje, kush pyet për mua.
Polici: Nuk ka lidhje shteti fare.
Qytetarja: Si s’ka lidhje shteti.
Qytetari: Jam nënshtetas i huaj. Nuk keni të drejtë të prekni persona.

LEXO EDHE:

“Ernest Airlines” i pezullohet licenca/ Autoriteti Aviacionit Civil jep njoftimin e rëndësishëm