Plagos vëllain me thikë, arrestohet adoleshenti/ Sherri në familje

Një 16-vjeçar u arrestua nga policia, pasi plagosi me thikë vëllain e tij, pas një sherri në familje. Ngjarja ka ndodhur në fshatin Luz në Fushë Krujë.

Burime zyrtare nga policia kanë bërë të ditur se në pranga është vënë 16-vjeçari me inicialet O. O., pasi ka qëlluar me thikë, vëllain e tij 22-vjear.

“Specialistët për hetimin e krimeve në Komisariatin e Policisë Krujë, arrestuan në flagrancë shtetasin e mitur: O. O.,16 vjeç, banues në Luz, Fushë-Krujë.

LEXO EDHE  Tërmeti "shkund" Shqipërinë gjatë natës, ja magnituda dhe epiqendra

Ky shtetas pas një konflikti të çastit për motive të dobëta, ka goditur më mjet prerës (thikë) vëllain e tij shtetasin A. O.,22 vjeç.

Në cilësinë e provës materiale u sekuestrua mjeti prerës (thikë)”, thuhet në njoftimin e policisë.