Bora izolon banorët e fshatrave të Bulqizës, 5 orë në këmbë për të blerë ilaçe

Për shkak të reshjeve të borës që zgjatën rreth 4 ditë në Bulqizë, mjaft fshatra kanë mbetur të izoluara. Të bllokuara kanë mbetur pjesa më e madhe e rrugëve në: Fushë Bulqizë, Zerqan, Martanesh, Shupenze, Ostren, Trebisht.

Një nga banorët shprehet se vajzën e sëmurë e kanë nxjerrë në krahë deri në rrugën kryesore për ta transportuar më pas në spital.
Në fshatra të njësisë Zerqan banorët janë detyruar të hapin rrugën me forcat e tyre, sepse përndryshe nuk mund të furnizojnë bagëtinë me bazë ushqimore.

LEXO EDHE  VIDEO/ Rama në panik, ja çfarë ndodh nëse shkoni në takimet e tij…

Ali Muça, banor i fshatit Orzhanove në njësinë administrative Ostren ka udhëtuar 5 orë në këmbë deri në Shupenzë për të blerë ilaçe, sepse sipas tij bashkia nuk ka marrë masa për hapjen e rrugëve.

Në shumë segmente të rrugës mungon kripa dhe skorjet, më problematike situata në rrugën nacionale paraqitet në aksin Ura e Çereneçit deri tek Ira e Topojanit, ku gjatë së dielës në Shupenzë për shkak edhe të trafikut të rënduar, për më shumë se një orë makinat ngelen të bllokuar.