FUTBOLL Rasti “Mayorga”, policia e Las Vegasit kërkon ADN-në e Cristiano Ronaldos

Cristiano Ronaldo po kalon një moment fantastik të karrierës së tij në kampionatin italian, por nuk mund të thuhet e njëjta gjë sa i përket jetës së tij jashtë futbollit.

Kjo pasi në vjeshtë portugezi u akuzua për përdhunim nga një ish modele amerikane, ngjarje që kishte ndodhur në verën e 2009-ës, por që ishte fshehur, pasi Ronaldo kishte paguar 375 mijë euro.

Së fundi çështja u rihap nga policia e Las Vegasit, e cila po riheton ngjarjen, në bazë të dëshmive dhe denoncimeve të bëra në kohën kur edhe pretendohet se ka ndodhur përdhunimi.

LEXO EDHE  Bomba nga Inter: 90 milionë euro për një sulmues!

Gjatë pasdites së sotme, media amerikane Wall Street Journal ka cituar burime nga policia e Las Vegasit, të cilët thonë se u kanë kërkuar autoriteteve italiane, ADN-në e Cristiano Ronaldos.

Testi synon të krahasojë ADN-në e sulmuesit portugez me gjurmën e gjetura në rrobat e modeles amerikane, Kethryn Mayorga, e cila ka akuzuar Ronaldon për përdhunim.