Drama e familjes shqiptare: Një djalë m’u hodh nga ballkoni, tjetri…

Historia tronditëse e një 60-vjeçari, baba i 3 fëmijëve është trajtuar këtë herë në emisionin “Fol me psikologen” i “Gazeta shqiptare” online. Djali i madh ka humbur jetën si pasojë e skizofrenisë paranoide, pasi është vetëvrarë duke u hedhur për herë të dytë nga ballkoni, ai po vuan me djalin tjetër i cili është diagnostikuar njësoj si i vëllai. Ja çfarë thotë 60-vjeçari në mesazhin që i ka dërguar psikologes Ervisa Lula:

Jam 60 vjeç dhe jam babai i 3 fëmijëve. Jeta ime dhe e familjes është kthyer në një ferr. Në vitin 1998 emigruam ne Greqi, gjithçka shkonte mirë derisa djali i madh filloi të kishte probleme shëndetësore. Djali ankohej në fillim se punonte shumë dhe fitonte pak. Pas konsultës me një patholog ai na tha të shkonim tek psikiatri i cili e diagnostikoi me skizofreni paranoide. Sa vinte dhe situata agravohej akoma më shumë, e çuam në një klinikë private, nuk qëndroi dot as 24 orë dhe kërkonte ta merrnim në shtëpi e të mos e çonim kurrë më në spital, donte të rrinte në shtëpi e të pinte ilaçe.

Ndryshuam disa herë vendbanimin, kur shkuam në Athinë tentoi të vetëvritej dhe u hodh nga ballkoni. Pas qëndrimit në spital u rikuperua dhe u kthye në shtëpi, 2 ditë më pas u hodh sërish nga ballkoni dhe vdiq. Të rrënuar nga vdekja e djalit u kthyem në Shqipëri. 2 vite pas vdekjes së tij djali tjetër u diagnostikua me të njëjtën diagnozë. Rasti i djalit të dytë është akoma më i vështirë, është më i dhunshëm, na godet kur jemi të ulur në tavolinë duke ngrënë. Ka 13 vite që më dhunon, mua, gruas dhe vajzës na rrezikohet jeta çdo ditë, kam menduar madje edhe të vras veten edhe pse im bir jam lutur edhe që Zoti të ma marrë, nuk mundem më, 3 muaj e mbajnë në spital dhe e sjellin prapë në shtëpi.”

Ky nuk ka qenë rasti i vetëm i trajtuar në emision, një tjetër rast ka qënë ai i Vanesës 21-vjeçare e cila vuan nga depresioni madhor dhe ishte e bindur se vetëm jashtë shtetit mund të trajtohej. Psikologia Ervisa Lula së bashku me psikologen dhe pedagogen Elvana Agushi, e cila ka qenë dhe e ftuara në këtë episod të këtij programi, kanë folur për shëndetin mendor në tërësi, për problematikat që hasen më shpesh në vendin tonë.

Për të gjithë të sëmurët kronikë të cilët kanë qenë pjesë e spitaleve psikiatrike, ata me diagnoza më të rënda, bashkëjetesa e të cilëve është e pamundur në familje, psikologia Agushi ka sqaruar se tashmë janë hapur disa struktura të reja. Këto struktura quhen shtëpi familje dhe kanë ekipe multidisiplinare me mjek, psikiatër, psikolog, punonjës social të cilët ofrojnë të gjitha shërbimet që i duhen këtyre personave.

Psikologia Ervisa Lula: Njerëzit me problematika të shëndetit mendor a vijnë tek ju për t’u trajtuar e për të kërkuar ndihmë?

Psikologia Elvana Agushi: Numri i personave që vijnë në kabinetet e psikologëve dhe psikiatërve është rritur. Diagnostikimi i hershëm ndihmon në atë që vjen më pas, kemi raste të vështira të trajtueshme dhe me përmirësim të dukshëm, ashtu sikurse edhe raste të shërueshme.

Psikologia Ervisa Lula: Njerëz të shumtë të cilët vuajnë nga pagjumësia dhe ankthi shkojnë në farmaci pa marrë asnjë konsultë dhe marrin medikamente. Çfarë pasojash ka kjo sjellje?

Psikologia Elvana Agushi: Nëse përdorim medikamente jashtë protokolleve dhe afatit kohor që ato kanë, ato kthehen në një dëm shumë të madh. Nëse merr një medikament për ankthin ti thjesht e ke shtypur atë dhe e ke shmangur nga jeta jote vetëm për atë moment, ndërsa psikoterapia të ndihmon të gjesh psenë. Ka plot njerëz të cilët ja kanë dalë pa patur nevojë fare për ndihmën e medikamenteve.

Loading...

Leave a Reply

Your email address will not be published. Required fields are marked *