Masakra në Durrës, zbulohet telefonata e dyshimtë për “faqedjegurin”

Grupi hetimor ka zbuluar fakte të reja rreth vrasjes së Edision Harizajt dhe Genci Cacës, në një atentat në Durrës. Nga këqyrja e tabulateve telefonike të Harizajt është zbuluar një telefonatë që i është bërë atij pak minuta para ekzekutimit.

Edision Harizaj

Një person e telefonoi 25 sekonda Edison Harizajn vetëm pak minuta se ai të ekzekutohej bashkë me shokun e tij Genci Caca. Grupi hetimor për vrasjen e dyfishtë mbrëmjen e 7 Nëntorit në Durrës, ka siguruar prova të reja. 19 ditë nga ngjarja, ekspertët arritën të zbërthejnë celularët e “faqedjegurit” Harizaj dhe të Cacës. Një burim tha se po punohet për zbardhjen e telefonatës para atentatit, çfarë i thanë 39-vjeçarit Harziaj dhe cili ishte personi. Ka dyshime që përmes kësaj telefonate ka folur vetë porositësi për vrasjen e Edison Harizajt, por këto mbeten vetëm supozime.

Me çkodimin e celularit të viktimës, janë gjetur edhe mesazhe të shkëmbyera mes Edison Harizajt dhe dy personave të tjerë natën e atentatit. Njëri prej të cilëve eksponent i njohur në botën e krimit në zonën e Durrësit. Përmbajtja mbahet akoma e fshehtë për shkak hetimor. Burime nga grupi hetimor dyshojnë se lëvizja e Edison Harizajt dhe Genci Cacës nga Vlora në Tiranë, dhe më pas kthimi nga Durrësi nuk ka qenë i rastësishëm. Porositësit e atentatit apo vetë autorët, kanë ndikuar në lëvizjen e viktimave, duke krijuar mundësinë e ekzekutimit.

Emri i vlonjatit Harizaj, sipas hetuesve, ka dalë vazhdimisht në ngjarje të rënda kriminale siç është përfshirja në vrasjen e gjyqtarit Skerdilajd Konomi apo zhdukjen e Albano Xhaferrit në Vlorë. Kurse së fundmi, miku i Emiljano Shullazit ishte përfolur si person që nëpërmjet kanosjes u vinte gjoba biznesmenëve të ndryshëm. Veç dyshimeve fillestare për një ekzekutim për hakmarrje referuar ngjarjeve të vjetra, hetuesit tani kanë në dosje edhe konfliktet aktuale që viktima kishte krijuar me të tjerë persona.

PËRGJIGJU

Please enter your comment!
Please enter your name here