Një 28 vjeçar shqiptar u arrestua në flagrancë nga karabinierët në Ivrea në rajonin e Peradotos.
Ai po udhëtonte me një Fiat Seicento dhe në momentin kur u pikas nga karabinierët, ai shtoi shpejtësinë dhe devijoi nga rruga.
Gjatë ndjekjes, 28 vjeçari me iniciale H.G, hodhi doza të vogla të bardha kokaine nga dritarja e mjetit, dy prej të cilave kishin një peshë prej 21.4 gram kokainë.
I riu shqiptar u arrestua nën akuzën e shitjes së drogës dhe pas formaliteteve të zakonshme, me urdhër të Prokurorit të Ivrea, u vu nën arrest shtëpiak.