Nga Boldnews.al
Nëse synimi i tij ishte të kapte çdo institucion të pavaruar e çdo bisht që e pengonte, tashmë e ka arritur. Katër pushtetet që njeh sistemi demokratik, lëgjistativi, ekzekutivi, gjyqësori dhe media, janë në duart e Edi Ramës. Parlamenti është një sallë e madhe me disa “frymorë” të partisë të vendosur nga kryeministri.
Janë aty pikërisht sepse do ai, dhe jo sepse meritojnë të jenë. Këtë mundësi ia jep edhe sistemi i listave të mbyllura. Asnjë deputet i vetëm nuk ka dalë publikisht qoftë edhe për një kritikë. Sa herë qeveria sjell në parlament projekt-ligje të dyshimta që minimalisht bien erë aferë, asnjë zë nuk del kundër.
Ekzekutivi nuk ka si të mos jetë nën këmbët e tij, kur ministra dhe ministre janë njerëzit e devotshëm që jo vetëm nuk kundërshtojnë, por kanë marrë huqe me gjestikulacione dhe formën e jetësës së vetë kryeministrit. Një i vetëm nuk ka dalë dhe nuk ka ide të dalë nga vatha kryeministrore.
Me gjyqësorin, kryeministri Edi Rama pati pak punë, por ia arriti ta shkataërrojë dhe atë që mbeti ta fuste totalisht nën kontrollin e tij edhe me ndihmën e ndërkombëtarëve, vëçanërisht të dy ambasadorëve të huaj.
Sot vendi është pa Gjykatë Kushtetuese, si pasojë e reformës në drejtësi. Gjithashtu jo funksionale kemi edhe Gjykatën e Lartë. Të mbeturit në sistem janë tërësisht të trembur, aq sa po kuptohet qartësisht që institucionet e vettingut shpëshherë duken si shtojcë e qevërisë.
Me largimin e ish-kryeprokurorit Adriatik Llalla (edhe me ndihmën e ambasadorëve) kryeministri Edi Rama krejt lehtësisht mori nën kontroll Prokurorinë e Përgjithshme. Edi Rama tashmë e ka nën vete për çdo gjë kryeprokuroren Arta Marku. Një udhëzim kryeministror, apo ministror, është detyrë për Markun, që erdhi si një prokurore krejt anonime dhe zuri postin më të lartë.
I mbeti beteja e fundit, media. Fillimisht tenton të ndjellë “luftë” duke i injoruar, fyer, tentuar të nxjerrë nga zhargoni i tij fjalë e etiketime denigruese. Gjeti një fjalë për median duke e quajtur “kazan”, për ca kohë i eci ky etiketim, sepse kur skandalet qeveritare dhe partiake vijuan në seri, as kjo shprehje për t’i përbuzuar nuk i vlejti më. Aferat, trafiku, përfshirja e zyrtarëve në llumin e madh të krimit, lanë aq shumë gjurmë sa edhe media që ishte blerë me kohë nga Rama, nuk mund ta pastronte nga moçalishtja ku u futën.
Tashmë e ka gjetur. I ka blerë të gjithë të ashtëquajtuarat media kryesore. E nis vetë Rama me ofiqe dhe reklama dhe e përmbyll edhe Lali Eri (Kryetari i Bashkisë Tiranë) me leje ndërtimi në favor të bosëve të medias. Në këtë mënyrë kanë rënë të qetë, ku edhe ndonjë dritare e pavarur që tenton të ngrejë kokë shpejt mbyllet nga propaganda e madhe qeveritare.
Me prokurorinë që e ka nën shërbimin e tij, kryeministri po hedh në treg idenë e dënimit penal për shpifje. Ky nuk është kërcënim për palën tjetër politike (pasi bashkë kanë një marrëveshje të heshtur mbrojtjeje), por drejtëpërdrejtë për lirinë e medias. Nëse nuk arrin ta blejë, Rama do e “vrasë” median.