Eksperti ekonomik Panajot Pano i ftuar në “Arena” në Ora News, thotë se është i mundur hetimi i kontratave koncesionare, duke shtuar se në Shqipëri, 1 km rrugë në fushë kushton 10 milionë euro ndërsa Kosova e ndërton me 1 milion euro duke blerë bitumin nga Shqipëria.
“Mundësia për të funksionuar nëse ka vullnet politik, ka. Pra ka mundësi për të funksionuar. Nuk kemi draft të mirëfilltë. Besoj me vetëdeklarim. Pra çdo individ duhet të bëj vetëdeklarimit të pasurisë dhe më pas ndiqen hapat e tjerë. Vetëdeklarimi në vetvete është lehtësisht i arritshëm nga pikëpamja legjislative. Ne sot, rrugë me 10 milionë euro për km në fushë…Kosova e ka ndërtuar me 1 milion euro sepse bitumin e merr nga Shqipëria lirë fare”, shprehet Pano.