Korrupsioni në arsim, ministrja e nisi me bodigardin, po e vijon me drejtorët

Nga Boldnews.al

“Nuk do ketë më mësues që paguajnë 5 mijë euro për një vend pune”-deklaraonte Edi Rama, në çdo vend ku shkonte gjatë fushatës elektorale të vitit 2013. Vetëm pak muaj pas marrjes së pushtetit, Rama ia besoi Ministrinë e Arsimit Lindita Nikollës. Dhe gjërat “ndryshuar”, nuk kishte më mësues që paguanin 5 mijë euro, por 3 mijë… I pari truprojë i arrestuar për korrupsion për premtim të një vendi punë ishte ai që i ruante “jetën” ministers, bodigardi i saj A. Halili.

Ai u arrestua vetëm pak muaj pasi ministrja fliste e përbetohej se do ta fshinte njëherë e mirë problemin e korrupsionit në sistemin arsimor. Në këtë rast Rama “gaboi” vetëm me shifrën por jo fenomenin. Në fakt, në vitet e para të qeverisjes deri në tre mijë euro ryshfet mund të gjejë një vend pune si mësues.

Kjo shifër tashmë ka ndryshuar në mandatin e dytë qeverisës, është rritur gati dyfish, po me të njëjtën ministre. Drejtoritë Arsimore në Rrethe shpesh janë bërë objekt hetimesh nga ana e prokurorisë, ku kjo e fundit sado që mundohej të mos bënte “pis arsimin”, korrupsioni ishte aq në nivele shqetësuese sa duhej të merrej shembull dikush që po luante haptas me mitmarrjen.

Po aq epik është edhe fjalimi i Blushit në Parlament dy vjet më parë kundrejt ministers Lindita Nikolla. “Ka pasur qindra ministra një prej tyre je ti zonjë, askush nuk do mbahet mend ndoshta, por ti do mbahesh si personi që kërkoje 3 mijë euro për një vend pune, u arrestua bodigardi yt”-deklaroi Blushi.

Drejtuesit e drejtorive arsimore në mënyrë fiktive figurojnë sikur janë përfshirë në konkurse, pasi gjithçka është e paracaktuar, kur verdikti i ministers në shumë raste është vendimtar për emërimet në krye të drejtorive arsimore. Gjithkush prej tyre kalon më parë në “duart” e kreut të qeverisë Rama dhe ministres Nikolla.

Krahas vendeve të punës të reja, që kanë edhe “thelën” e majme, korrupsion dhe afera të shumta kryehen edhe me trasnferimet e mësuesve. Shumë prej mësueve që kanë vite që japin mësim pranë një shkolle transferohen në zona të largëta dhe detyrohen për të paguar nëndorë që të rikthen në vendin e mëparshëm.

Gjithashtu është edhe portali mësuespershqiperine që rendit kandidatët sipas një konkursi të zhvilluar, në pritje të një vendi të lirë pune që mund të hapet në ndonjë shkollë të vendit. Shpesh ka denocime që kandidatë të ndryshëm ndonëse kanë qenë në listat e parë me pikë më të larta kanë parë që kandidatë të tjerë që janë renditur poshtë tyre arrijnë të përfitojnë vendin e punës. Krahas miqësisë (që duhet pranuar ka edhe ndërhyrje nga deputetë të zonave), flitet për shuma të konsiderushme që paguhen nga mësuesit e rinj për të siguruar një vend pune, të përkohëshëm ose definitiv.

Leave a Reply

Your email address will not be published. Required fields are marked *