Djathi më e vjetër në botë është gjetur në një varr 3.200 vjeçar egjiptian.
Megjithatë ka një sekret të fshehur, një baktere vrasës.
Djathi është varrosur së bashku me Ptahmes, kryebashkiaku i kryeqytetit të lashtë egjiptian të Memphis, vendi i të cilit u rizbulua në 2010 pasi u humbi nën rërën e shkretëtirës.
Një kavanoz përmbante një masë të bardhë të ngurtësuar si edhe një pëlhurë që mund të jetë përdorur për të mbuluar kavanozin ose mbrojtur përmbajtjen e saj.
Pas shpërndarjes së mostrës, hulumtuesit pastruan përbërësit e saj të proteinave dhe i analizuan ato me kromatografinë e lëngët dhe spektrometri masive.
Dhe u zbulua se mostra ishte një produkt qumështi nga ai i lopës, deles apo dhisë.
“Karakteristikat e pëlhurës tregojnë se ishte e përshtatshme për të mbajtur një lëndë të ngurtë dhe jo të lëngshme dhe mungesa e shënuesve të tjerë të veçantë, mbështesin konkluzionin se produkti i qumështit ishte një djathë i fortë,”-thonë studuesit.
Gjithashtu u zbulua se djathi përmban Brucella melitensis, një bakter që shkakton brucelozë.
Kjo sëmundje potencialisht vdekjeprurëse përhapet nga kafshët tek njerëzit, zakonisht nga konsumimi i produkteve të qumështit.
Nëse konfirmohet analiza paraprake e ekipit, mostra do të përfaqësojë dëshmitë më të hershme të raportuara biomolekulare të sëmundjes.