Higuain e Modric, biseda që mban Inter me shpresë

Mes skepticizmit të Spalletti dhe bisedës në fund të ndeshjes me Higuain duket se ka ende një shpresë që Luka Modric të shkojë tek Inter. Dukej e mbyllur, sidomos pas duartrokitjeve të Bernabeut në momentin kur kroati hyri në fushë në ndeshjen kundër Milan, por në fund të takimit Modric qendroi gjatë me ish-shokun e skuadrës Higuain. Duart përpara gojës që gjithcka të mbetej e fshehtë, por të dy folën. E pamundur të deshifrohet përmbajtja e dialogut, por me shumë mundësi dicka rreth transferimit në Milano të Pipitas e mbi ardhjen e mundshme të kroatit në krahun zikaltër, do të jetë folur.

Modric në fakt nuk është tipi i lojtarit që bën skena, as thyerje pragmatiste si bëri Kovacic, që e vendosi praktikisht vetë transferimin tek Chelsea. 33 vjecari do ta pranojë, edhe pse jo me dëshirë, vendimin e Real për të mos e lënë të lirë.

Inter, prezent në Madrid, nuk i ka bërë presion merengues në këto orë, ndoshta edhe sepse akordi me Modric është arritur, por edhe pse nuk mund të bëjë lëvizje tjetër vec asaj që i ka ofruar Real. Ky është edhe problemi, me Florentino Perez që nuk kënaqet me huazimin prej 15 milionë e të drejtën e blerjes për 35 propozuar nga zikaltrit.

Leave a Reply

Your email address will not be published. Required fields are marked *