Rusia mposhti Arabinë Saudite me rezultatin 5-0 në ndeshjen hapëse të Botërorit.
Edhe pse përballë ishin 2 skuadra të një niveli jo të lartë, ky takim dhuroi gola dhe spektakël.
Nuk munguan as rekordet e regjistruara, të cilat ishin tepër interesante.
Faqja ndërkombëtare e statistikave “Opta” sjell rekordet e shënuara sot:
5-0 – Rusia ka regjistruar fitoren e dytë më të thellë nga një vend pritës në ndeshjen hapëse të Botërorit në historinë e aktiviteteve pas asaj Itali-SHBA 7-1 në vitin 1934.
3 – Rusia ka shënuar 3+ gola në një ndeshje Botërori për herë të parë që kur fituan 6-1 ndaj Kamerunit në vitin 1994.
89 – Artem Dzyuba shënoi vetëm 89 sekonda pasi hyri në fushë, goli më i shpejtë nga një zëvendësues në Botëror që kur Marcin Zevlakov shënoi për Poloninë ndaj SHBA (64 sekonda) në vitin 2002.
1 – Denis Cherishev është zëvendësuesi i parë që shënon në ndeshjen e hapjes së një Botërori.
1 – Juri Gazinski është lojtari i parë që shënon me gjuajtjen e parë në portë në një turne që kur Filip Lahm e bëri për Gjermaninë në vitin 2006.
38 – Sergei Ignashevic (38 vjeç, 335 ditë) është lojtari më i vjetër që ka luajtur në një ndeshje Botërori që nga Roxher Milla në vitin 1994 (përjashtohen portierët).