Mënyra efektive për trajtimin e dhimbjeve të shpinës

Dhimbja e pjesës së sipërme të shpinës në të shumtën e rasteve shkaktohet prej tërheqjes se muskujve, veçanërisht si rrjedhojë e qëndrimit të keq. Vizita tek fizioterapeuti mund t’ju ndihmojë për të gjetur shkaqet e dhimbjes, duke përdorur metoda të ndryshme të ekzaminimit, pasi specialisti i fushës punon me ju për t’ju rikthyer lëvizjen e plotë të lirë dhe për të ndihmuar trupin që të shërohet. Gjithashtu mund të mësoni se si të minimizoni ose shmangni dhimbjen në të ardhmen. Më poshtë po japim disa nga mënyrat e përdorura për trajtimin e dhimbjeve:

Masazhi i thellë i indeve
Kjo teknikë përdoret në rastet e spazmave dhe tensionit kronik të muskujve, të cilat mund të grumbullojnë stres gjatë ditës. Ju mund të keni spazma ose tension të muskujve, për shkak të tërheqjeve të muskujve. Terapeuti ushtron presion direkt për të çliruar tensionin në indet tuaja të buta (ligament, tendina, muskuj). Për dhimbjen e kurrizit që shkaktohet prej tensionit të indeve të buta, masazhi është shumë i dobishëm.

Terapitë me nxehtësi dhe të ftohtë
Fizioterapeuti zgjedh ndërmjet terapisë me nxehtësi dhe asaj të ftohtë. Duke përdorur nxehtësinë, terapeuti synon që të grumbullojë më tepër gjak në zonën e prekur, pasi rritja e qarkullimit të gjakut sjell më shumë oksigjen dhe ushqyes të tjerë në atë zonë. Gjaku është gjithashtu i nevojshëm për të larguar mbetjet e krijuara prej spazmave të muskujve dhe ndihmon në shërim. Terapia me të ftohtë, e quajtur gjithashtu krioterpia, ngadalëson qarkullimin, duke ndihmuar uljen e inflamacionit, spazmat e muskujve dhe dhimbjen. Mund të vendosni një pako të ftohtë që vendoset në zonën e prekur ose mund t’ju jepet një masazh me akull. Pas terapisë me të ftohtë, terapeuti mund të punojë me ju për të tërhequr muskujt e prekur.

TENS – Transmetimi elektrik për stimulimin e nervave
Pajisja TENS stimulon muskujt tuaj nëpërmjet rrymave të të ndryshueshme, por të sigurta elektrike. TENS ndihmon të reduktojë spazmat e muskujve dhe mund të rrisë prodhimin e endofrinës në trup (luftuesi natyral i dhimbjes).

Ultratingulli (Ultrazeri terapeutik)
Duke rritur qarkullimin e gjakut, ultratingulli ndihmon për të reduktuar spazmat e muskujve, ngërçet, ënjtjet, bllokimet dhe dhimbjet. Kjo bëhet duke dërguar valë tingujsh thellë në indet e muskujve, duke krijuar një nxehtësi të lehtë që përmirëson qarkullimin dhe shërimin. Programi aktiv i ushtrimeve përfshin një pjesë të rëndësishme të trajtimit dhe rehabilitimit fizioterapeutik. Në pjesën aktive të fizioterapisë, fizioterapeuti do t’ju mësojë ushtrime të ndryshme për të përmirësuar fleksibilitetin, fuqinë, stabilitetin e nyjave dhe një numër lëvizjesh. Programi juaj i fizioterapisë është i individualizuar, duke marrë në konsideratë gjendjen shëndetësore dhe historikun e saj. Ushtrimet mund të mos jenë të përshtatshme për një person tjetër me dhimbje kurrizi, veçanërisht nëse dhimbja nuk është shkaktuar prej të njëjtit problem. Nëse është e nevojshme, do të mësoni se si të korrigjoni qëndrimin dhe të aplikoni parime ergonomike për aktivitetet e përditshme. Kjo është pjesë e “vetëkujdesit” ose “vetëtrajtimit” në programin fizioterapeutik. Përgjatë fizioterapisë, ju do të mësoni parime dhe zakone të mira, që ju mundësojnë të kujdeseni më mirë për trupin tuaj. Është e vështirë të largojmë zakonet e këqija që nxisin dhimbjen e kurrizit, veçanërisht pozicioni i të qëndruarit ulur. Për shumë njerëz me dhimbje shpine të shkaktuar prej qëndrimit të keq, kjo e fundit u duket normale. Fizioterapeuti mund t’ju ndihmojë të mësoni se me një qëndrim të mirë do të ndihemi shumë më mirë.

Loading...

Leave a Reply

Your email address will not be published. Required fields are marked *