Zbulimi: Virusi Zika vret indet në trurin e foshnjave

Virusi Zika vret të gjitha llojet e indeve të cilat zhvillohen në tru, bëjnë me dije kërkimet më të fundit.Ai është në gjendje të shkatërrojë ose të pengojë rritjen e qelizave nervore që kanë ndërtuar trurin dhe sistemin nervor.

Zbulimi i publikuar në revistën “Cell Stem Cell” shton pretendimet se Zika është duke shkaktuar anomali në trurin e foshnjave. Deri më tani janë konfirmuar në Brazil më shumë se 4800 raste të fëmijëve me mikrocefali.

Virusi është në gjendje të infektojë deri në 90% të qelizave nervore në një mostër çka bën që gati një e treta e qelizave të vdes dhe të ndërpritet rritja e pjesës tjetër të qelizave.

Një efekt i ngjashëm në një tru në zhvillim mund të ketë rezultate shkatërruese. Ky lloj virusi më së shumti është përhapur në Amerikën Jugore,ku tashmë është shndërruar dhe në një epidemi. Ndërkohë që nuk kanë munguar dhe raste sporadike edhe në Europë.

Muajin e kaluar Organizata Botërore e Shëndetësisë e shpalli këtë sëmundje një emergjencë globale të shëndetit publik. Për të diskutuar më tepër rreth virusit të martën pritet të mblidhet në Gjenevë edhe komiteti i emergjencës.

Leave a Reply

Your email address will not be published. Required fields are marked *